Zordi an kasé brizé

Lundi 18 mai 2009, par André Robèr // Pou koméla

ISBN : 2-91079-28-7
Collection : Pou koméla
Auteur : Alain Armand
Prix : 15 €

Description : Alin lavé in rèv. Li té i mazine tas manir fé an sort la lang kréol Larénion, domoun té i arèt gognard sa sinonsa avoir la ont koz ali. Dann tan la, té i ansèrv nout lang sirtou pou fé ri, sinonsa pou rakont la bétiz. Kisa té kapab maziné nou narté kapab ansèrv ali pou shant lamour, pou di la révolision, é sirtou pou ékri sak nou lavé envi di.

Pour ariv ziska la, konbien kasébrizé la fé ?

Zordi, nana bonpé liv an kréol Larénion : fonnkèr, aou, téat aou, zistoir kourt aou, kont aou, roman aou. Dann tout so bann modékri, i kontant pa ékri sak bann kozman i di : i pous la lang pli dovan.

Zordi Alin i rèv touzour ; mé li lé pi tousèl. Bonpé domoun lé an parmi.

Amoin osi mi rèv : Arèt pa ékri, Alin. Mèt ansanm ziska toultan.

An dalon

Carpanin Marimoutou

« Zordi An kasé brizé » (Alain Armand, 2004)

Liv-là i réini Zordi (1977) ansanm Kasé brizé (1979). Dan tan-là Alain Armand i vé montt anou i gingn ékri lo langaz kréol pou di sak la anvi di nout vré vi. Dan son bann fonnkèr i done in limaz lo réalité rénioné : ala in bébèt louvraz i apartyin lo patrimoine fonnkèr rénioné !

(Alain Armand la énèt lo 15 avril 1954 Sin-Dni. Daborin li lé mèt-lékol é, gran sportif, li lété ossi zournalis sportif zournal Témoignages. Pi li anbèk ali dan lo rosèrs si lo langaz kréol. Militan pou lo rokonésans lo langaz, li la travay si lo kréasion lékritir 77 é lé lo présidan fondatèr lo group Ziskakan. Fonnkézèr, li lé sirtou in zonm politik koméla, présidan MRA é vis-présidan délégé lo kiltir lo Rézion Rénion. Li la pibliy : Maloya, Bardzour n° 5, 1977 ; Noël, Fangok n° 1, 1977 ; Zordi, Les Chemins de la Liberté, 1977, réédision 1978 ; Momon, Fangok n° 2, 1978 ; Sirandannes, Fangok n° 2, 1978 ; Kasé brizé, Les Chemins de la Liberté, 1979 ; Linvité linvitèr, Exot, Ek Zot n° 0.5, 1982 ; Le Créole dans le roman engagé » contemporain, mémoire de maîtrise de Lettres Modernes, Centre universitaire de La Réunion, 1981 ; Etudes Linguistiques et légitimité d’un droit, èk Daniel Baggioni, Cahiers de linguistique sociale n° 9, 1982 ; Les situations de diglossie, èk Daniel Baggioni, Actes du colloque de Montpellier, Rouen, 1982 ; La littérature réunionnaise d’expression créole, èk Gérard Chopinet, L’Harmattan, 1982 ; Dictionnaire Kréol rénioné/Français, Océan Editions, 1987.)

Répondre à cet article